Sosten
pa inisiativanan di bario
na Kòrsou i Aruba
Bon Bini na BAN BiBA BAR!O
BAN BiBA BAR!O ta un yamada pa reinisiá e chispa i rebibá nos bario dor di enkurashá e komunidat pa ta mas aktivo den nos barionan. Nos bario ta kaminda nos ta biba, kaminda nos yunan ta hunga, adultonan ta interaktá ku otro i kaminda nos mayornan ta konbibí ku otro. Desaroyo di nos bario ta hopi importante i BAN BiBA BAR!O ta invitá barionan di Aruba i Kòrsou pa partisipá aktivamente den desaroyo di nan bario.
Kiko ta BAN BiBA BAR!O?
BAN BiBA BAR!O ta un kooperashon entre Unidat di Bario Kòrsou (UdBK) i CEDE ARUBA, ku sosten di Buurtfonds Nationale Postcodeloterij. Ta un programa piloto di 2 aña pa sostené inisiativanan di bario ku un finansiamentu chikí i yudansa práktiko.
Meta di Programa:
Fortifiká koheshon sosial i sostené inisiativanan di komunidat pa mehorá nos bario i hasi nan mas duradero, ku atenshon speshal na inklushon i partisipashon di grupo vulnerabel. E programa tin komo meta reuní organisashonnan basá riba bario i sostené nan ideanan pa un mihó bario.
Informashon di programa:
Proyektonan ku ta enbolbí un serie di aktividat konsekutivo ta eligibel pa finansiamentu. E proyektonan akí mester tin un mínimo di supsidio di 1,000 ANG/AW i un máksmo di 10,000 ANG/AWG.
Ken por apliká?
Organisashonnan basá riba komunidat, residèntenan, òf organisashonnan informal (na base) ku estímulo ta eligibel pa apliká pa Ban Biba Bario. Lo entregá solisitutnan i finansiamentu despues di evaluashon segun kriterionan di e programa.
Aktividatnan di proyekto por kubri
kategorianan temátiko manera:
- Inisiativanan di komunidat (sentronan, organisashonnan i komishonnan di bario)/inisiátivanan pa desaroyo di bario.
- Proyektonan por enserá deporte, edukashon, hortikultura, kultura, arte i aktividatnan rekreativo manera strategianan pa aktiva bario i stimulá kolaborashonnan.
- Rebibá i modernisashon di sentronan komunitario i/o espasionan di komunidat.
- Naturalesa i medio ambiente (re-/upcycling) i aktividatnan di kuido di animal.
- Inisiativanan basá den bario pa mehorá salú i bienestar sosial-emoshonal pa ofresé informashon i sosten. Di manera ku por fasilitá akseso na yudansa profeshonal i rekursonan pa hende ku por ta enfrentando problema manera soledat, salú mental, alkoholismo, kriansa soltero i otro problema (sosial) den bario.
- Komprenshon di komunidat/konosé bario, akseso na informashon vital, limpiesa di bario i embeyesimentu di bario.
- Inisiativanan/proyektonan pa aliviá pobresa - ku e meta pa eduká i fortifiká komunidat pa ta mas resistente den situashonnan di skarsedat di alimento i otro desafionan. Ehèmpelnan di proyektonan eligibel ta inkluí sistemanan alternativo di kome, tayernan edukativo, promoshon di negoshi sosial i warda di komunidat, etc. Tene kuenta ku proyektonan ku solamente ta yuda ku kuminda òf paketenan di kuminda no ta eligibel pa e finansiamentu aki.
- Aktividatnan pa promové konekshon, manera entrenamentu di media sosial.
- Aktividatnan promoviendo atenshon pa muchanan i hóben.
- Aktividatnan pa promové atenshon pa adoltonan mayor.
- Inisiativanan pa empleo/emprendé (hóben).
- Desaroyo di abilidatnan manera literatura digital, reparashon di outo i maneho di proyekto.
Kiko tipo di proyekto
NO ta eligibel?
Aktividatnan manera eventonan di biahe, p.e. aniversario, konferensia, sena di Pasku, èts. Ademas, aktividatnan struktural den organisashonnan tampoko no ta eligibel. E inisiativanan mester ta nobo i inovativo. Si e organisashonnan ta pidi finansiamentu pa invershon di material parsial, e mester ta kombiná ku aktividatnan nobo di e organisashon
– proyektonan simpel di material so no ta eligibel.
Kon por apliká?
Solicitantenan por skohe nan manera preferí pa entrega un pre-solisitud na nan idioma preferí (papiamentu, hulandes, ingles); nan por:
• Por graba un vidio i manda esaki na koordinador di e proyekto.
• Skirbi un dokumentu kòrtiku (1 alinia) ku un deskripshon di e proyekto.
• Pidi un reunion ku koordinador di e proyekto pa diskutí e idea di proyekto..
E kordinador di proyekto lo evaluá e ideanan basá riba kriterionan di e programa i despues informá e solisitante si por entregá e proyekto.
Portal di Solicitut
Si e idea ta eligibel pa finansiamentu, lo stimulá solisitantenan pa krea un kódigo pa ‘log in’ i registrá na e portal di finansiamentu. Despues di registrashon, e solisitante por entregá e solisitut ‘online’ i ‘upload’ e propuesta di proyekto huntu ku tur e dokumentonan nesesario. Solisitantenan por kompletá e proseso akí independiente òf por pidi sosten. Por pidi sosten na UdBK Kòrsou òf CEDE ARUBA. Tambe por buska un sita den bo bario.
Ki momento por apliká
E proseso di aplikashon ta habri *segun 3 di mei, 2024. E promé término pa apliká ta 15 di yüni, 2024. Aplikanten por apliká pa sosten finansiero un biaha pa aña.
Evaluashon
Despues di un kòntròl atministrativo kompleto i evaluashon di e propuesta, un komité di proyekto lo tuma e desishon final tokante entrega di finansiamentu.
Kriterionan di evaluashon:
Parti I: Informashon básiko (puntuashon máksimo: 20 punto).
E proyekto ta bon spliká? Organisashon por manehá i ta kalkulá ku e metanan ta bon planiá?
Parti II: Impakto i faktibilidat (puntuashon máksimo: 20 punto).
Kiko ta e impakto di e proyekto riba komunidat? Ta algu realístiko ku por sosodé?
Parti III: Kreatividat i partisipashon (puntuashon máksimo: 10 punto).
E sekshon aki ta enserá kon kreativo i involukrá e proyekto ta ku komunidat lokal.
Aktualisashon inunsionan
Pendiente
Històrianan di Éksito
Organisadonan
CEDE ARUBA, tambe konosí komo Centro pa Desaroyo di Aruba, ta un organisashon di desaroyo ku tin komo meta pa promové desaroyo duradero dor di yuda hende via ekursonan. E organisashon ta komprometí pa adresá problemanan sosio-ekonómiko i sosial na Aruba por medio di fasilitá konekshon entre gruponan meta i promové oportunidatnan di desaroyo sosial i edukashonal. Nan meta final ta pa krea un komunidat kaminda individuonan di tur edat tin e oportunidat pa desaroyá nan mes.
Unidat di Bario Kòrsou a lanta na 1994 komo un moveshon i a funda Unidat di Bario Kòrsou ofisial na aña 1995 i ta koperá ku tur organisashon di bario na Kòrsou ku enfoke riba promoshon di bienestar di komunidat. A logra esaki por medio di aktividatnan sosio-edukashonal, sosio-kultural, sosio-ekonómiko i rekreativo. Últimamente, UDBK ta traha riba amplia konosementu den sosiedat tokante e posishon i importansia di bario komo unidat i formashon di retnan regional di kolaborashon.
The Postcode Loterij Buurtfonds (Postcode Lottery Neighbourhood Fund) supports all kinds of community initiatives in the Netherlands, both big and small, ranging from simple improvements to innovative, high-impact projects. Funding for these initiatives is made possible by participants of the Nationale Postcode Loterij (Dutch Postcode Lottery). Execution is managed by Stichting DOEN (DOEN Foundation). www.postcodeloterijbuurtfonds.nl