SOSTEN
pa iniciativanan di bario
na Còrsou y Aruba
Bon Bini na BAN BiBA BAR!O
BAN BiBA BAR!O ta un yamada pa cende e chispa y rebiba nos Barionan pa medio di crea iniciativanan pa nos e comunidad cu nos ta biba aden. Nos "BARIO" ta unda nos ta biba, unda nos yiunan por recrea, momento unico cu adultonan por conecta cu otro y unda nos grandinan por sali relaha y topa. Desaroyo di nos bario ta hopi importante y “BAN BiBA BAR!O” ta invita barionan di Aruba y Corsou pa participa activamente den desaroyo di nan “Bario”.
Kiko ta BAN BiBA BAR!O?
BAN BiBA BAR!O ta un cooperacion entre Unidat di Bario Kòrsou (UdBK) y CEDE ARUBA, cu sosten di Buurtfonds Nationale Postcodeloterij. E ta un programa piloto di 2 aña pa sostene iniciativanan di bario cu sosten financiero y yudansa practico.
Meta di programa:
Fortifica e coneccion social, sostene y mehora iniciativanan pa e comunidad y haci nan mas sostenibel, cu atencion special riba inclusion y participacion di gruponan vulnerabel. E programa tin como meta pa trece organisacionan hunto y sostene nan ideanan pa asina por crea un mihor bario.
Informacion di e Programa:
Proyectonan cu ta ensera un serie di actividadnan ta eligibel pa financiamento. E proyectonan aki por ricibi un suma minimo di 1,000 ANG/AWG y un maximo di 10,000 ANG/AWG.
Ken por aplica?
Organisacionan comunitario of organisacionan informal ta eligibel pa aplica pa BAN BiBA BAR!O y nos ta haci un yamada pa nan aplica. Como organisacion bo por entrega bo aplicacion, unda e lo wordo evalua a base di e criterianan cu ta stipula pa e programa
Actividatnan di proyecto por cubri
categorianan tematico manera:
- Iniciativanan pa programanan pa e comunidad (manera centronan di bario) / iniciativanan pa desaroyo di bario.
- Proyectonan por ensera deporte, educacion, agricultura, cultura, arte y actividadnan recreativo como strategia pa activa e bario y stimula colaboracion.
- RRebiba y modernisa di Centro di Bario y/of espacionan den e comunidad.
- Iniciativanan basa riba bario pa mehora salud y bienestar social-emocional unda ta ofrece informacion y facilita acceso den yudansa profesional.
- Por ofrece recurso pa esnan cu por ta enfrentando problema manera soledad, salud mental, alcoholismo, cu ta biba nan so of cu tin otro problema (social) den e bario.
Desaroyo di habilidadnan manera literacia digital, reparacion di auto, maneho financiero.
- Concientisacion di e bario, acceso na informacion vital, limpiesa di bario y embeyesemto di bario.
- Iniciativanan/proyectonan pa alivia pobresa - cu e meta pa educa y fortifica comunidad pa ta mas resistente den situacionnan di scarsedad di alimento y otro desafionan.
- Ehempelnan di proyectonan cu ta yega na remarke ta inclui sistemanan di intercambio, tayernan educativo, promocion di negoshi social, hardin di comunidad, etc. Por fabor tene na cuenta cu proyectonan cu ta yuda cu paketenan di cuminda no ta cay na remarke.
- Actividadnan pa promove conectividad, p.e. entrenamento di medio social.
- Actividadnan pa promove atencion pa mucha y hoben.
- Actividadnan pa promove atencion y sosten pa mayornan.
- Iniciativanan pa empleo y lanta empresa (especialmente hoben).
Naturalesa y medionan ambiente (re-/upcycling) y actividadnan na bienestar di animal.
Proyecto cu
NO ta yega na remarca?
Actividadnan cu ta tuma luga manera eventonan di un solo biaha, celebracion di aniversario, conferencia, cena di Pasco, etc. no ta eligibel. Ademas, actividadnan cu ta tuma luga manera actividadnan structural den organisacionan no ta eligibel. E iniciativanan mester ta nobo y inovativo. Si organisacionan pidi financiamento pa un inversion material mester ta combina cu actividadnan nobo di e organisacion
- proyectonan cu peticion riba solamente material no ta eligibel.
Conta nos
tocante bo idea
Solicitantenan por scohe nan manera preferi pa entrega un pre-solicitud den nan idioma preferi (Papiamento, Hulandes, Ingles); Tambe por:
• Graba un video y manda e video na coordinador di proyecto.
• Scirbi un documento cortico (1-2 pagina) cu un descripcion di e proyecto.
• Pidi un reunion cu coordinador di proyecto pa discuti e idea di proyecto.
E coordinador di proyecto lo evalua e ideanan basa riba e criterianan di programa y despues informa e solicitante si e proyecto por ser entregá.
Portal di aplicacion
Si e idea yega na remarke pa financiamento, solicitantenan lo ser stimula pa crea un login y registra na e portal di subsidio. Despues di registracion, e solicitante por entrega e solicitud online. Solicitantenan por completa e proceso aki independientemente of pidi sostén na e coordinador di Proyecto, tambe por haci un cita den bo bario.
Fecha pa entrega aplicacion
E proceso di aplicacion ta habri desde 3 di Mei, 2024. E prome fecha pa haci entrega di aplicacion ta 15 di juni, 2024. Solicitante nan por aplica pa pidi sosten financiero solamente 1 biaha pa aña.
Evaluacion
Despues di un control administrativo completo y evaluacion di e propuesta, un comite di proyecto lo tuma e desicion final tocante otorgamento di subsidio.
Kriterionan di Evaluashon:
Parti I: Informacion basico (maximo 20 punto). Ta splica e proyecto claramente, e organisashon tin capacidad pa maneha e proyecto, ta cuadra cu e meta di e programa, e ta bon plania?
Parti II: Impacto (maximo 20 punto). Kiko ta e impacto di e proyecto riba e comunidad? E ta algo realistico?
Parti III: Creatividat y partisipacion (maximo 10 punto). Aki ta conta con creativo y envolvi e proyecto ta cu e comunidad local.
Updates y anuncionan
Pendiente
Històrianan di èksito
Tokante Nos
CEDE ARUBA, tambe conoci como Centro Pa Desaroyo di Aruba, ta un organisacion di desaroyo cu tin como meta pa promove desaroyo sostenibel uniendo hende y recursonan. E organisacion ta comprometi pa trata problema socioeconomico y social na Aruba facilitando coneccion entre e grupo di meta y promoviendo oportunidadnan pa desaroyo social y educativo. Nan meta final ta pa crea un comunidad unda individuonan di tur edad y trasfondo tin e oportunidad pa desaroya nan mes.
Unidat di Bario Korsou a wordo funda na 1994 y ta colabora cu tur organisacion di barionan na Kòrsou cu un enfoke riba promove e bienestar di e comunidad. Esaki ta logra pa medio di organisacion di actividadnan social-educativo, social-kultural, social-economico, y recreativo. Den e ultimo añanan, UDBK ta traha pa aumenta e conocemento den sociedad tocante e posicion y importancia di e bario como unidad.
The Postcode Loterij Buurtfonds (Postcode Lottery Neighbourhood Fund) supports all kinds of community initiatives in the Netherlands, both big and small, ranging from simple improvements to innovative, high-impact projects. Funding for these initiatives is made possible by participants of the Nationale Postcode Loterij (Dutch Postcode Lottery). Execution is managed by Stichting DOEN (DOEN Foundation). www.postcodeloterijbuurtfonds.nl